الخميس، 29 أكتوبر 2009

ما أدري شنو أحط عنوان ؟؟؟؟؟









وحشتيني






من زمان عنج يا مدونتي .. والله لج وحشه بس مشاغل الحياة ... كل يوم أدخل المدونه وأبي أكتب عن موضوع من كثر الحجي ما أدري شنو أكتب .. أحداث وبلاوي أفراح وأحزان .... يعني كوكتيل :) بس اتخذت قرار ان لازم أطلع الي بقلبي عشان لا أنفجر وأصير قنبلة نوويه متحركه ( بس لا يدرون عني منظمة الطاقه الذريه ما أدري النوويه ) .. صار العيد بعدين سالفة حريجة الجهراء بعدينمجاري مشرف وبعدين صار الجو كله تشاؤم وكسل كلمن موعاجبه وضع الديره الظاهر لازم نسوي انتداب من اليابان وامريكا واوربا والصين نتسلف منهم ناس يعدلون أوضاع الديره يعني EXTREEM MAKE OVER .... وبعدين نرد حق الكويت ونعيش مثل باجي الدول المحترمه وانا أحس صارت الفلوس والنفط نقمة وابتلاء من الله يعني احنا دوله غنيه ونقدر نصير أحسن من أمريكا واليابان بس يبيلنا قياده بمعنه الكلمه تعرف شلون تدير البلد والوزارات ترا الدوله مولعبه .. صار المجلس مسرح عرايس ؟؟؟؟ الناس بس هما الفلوس والمظاهر ما عندها مشكله انها تفقد سمعتها وشرفها وتنافق وتجذب بس عشان الفلوس والوجاهه ( صج لا قالو الفلوس تعمي العيون ) الله لايبلينا :)













بس من الصوب الثاني قاعد أشوف جانب حلو ومنور ونفتخر فيه ... في ناس قاعده تسعى للخير وتشتغل بايدها وريولها عشان تصلح المجتمع وهما الخير والزين حق الكويت وماتبي أي مقابل يعني تطبق المثل (سو خير وقطه بحر ) هذوله الي يشرفونا ونفتخر فيهم مو بس إحنا حتى الكويت تفتخر فيهم لأنهم فعلا عرفو اشلون يصيرون مواطنيين حقييقين موبس بالاسم لكن حتى بالفعل والتاريخ يشهد لهم :)















__________________________________












صار لي موقف أول مره بحياتي يصيري كنت طالعه مع أختي السوق راح تستلم أغراض حقها ...ولا أشوف واحد بسميه (I) سحرني بطلته .. أول مره أشوف واحد رشيق مثل رشاقته .. أتوقع لوشفتووه كان قلتولي ما تنلامين بإعجابج له ... مو مثل البشر بس أبصم أحسن من كل البشر في المواصفات إلي تمنيتها من زمان ;) حبيته من أول نظره وعشقته من أول لمسه ناعم مثل نعومة ايد الياهل ... شي ولا في الأحلام :))))))



تدروون منو هو ؟؟؟؟؟






..



....



















افتح يا سمسم :::::::::)





رحبو معاي .....






IPHONE 3Gs























ترااااااااااااااااااااااااااااااااااااااااااااااااا






















هذا الي ساحرني وشاغل بالي pp;


من كشخته الناس حبته... ومن تطوره الناس حبته أكثر .. لووووول






__________________________________________________



البعد عن الكتابه مو معناه البعد عن القراءة



يعني قصدي صح إني صارلي فتره طويله ما كتبت شي بمدونتي بس كنت أتابع المدونات وأقراهم ..... بس في شي شدني إن المدونات كل يوم وتزيد ..والمواهب قاعده تطلع ..... في مدونيين ما شاء الله عندهم اسلوب أكثر من رائع بالكتابه ...وهذا شي يونس .....في مدونات سياسيه وفي مدونات تسوق حق منتجاتها ومشاريعها التاريه ... وفي مدونيين يكتبون مذكراتهم اليبوميه شنو سووو ووين راحو وشنوكلو ... إلى مالا نهايه ...


قعدت أفكر وأراجع حساباتي ليش سويت مدونه ... هل هي هبه نفس face book ولا عشان أجاري ريفيجاتي إلي كل وحده عندها مدونه أحلى من الثانيه ... ماشاء الله الله يحفظهم ويوقفهم ... ولا عشان أقضي وقتي الفاضي بالدوام .... ولا عشان شنو بالضبط ... وشنو راح استفيد من التدوين والكتابه ؟؟؟؟


يعني باختصار ليش أدون؟؟ وحق شنو المدونه ؟؟؟ وحق شحقه ؟؟



فقلت حق نفسي لازم افكر عدل لأن مالاداعي أضيع وقتي بشي مومفيد ولا له فايده ولا عايده :)



والقرار الي اتخذته والهدف الي حطيته حق نفسي :



أن المدونه وسيله تحقق لي أهداف وااايد منها على سبيل المثال : أدرب إيدي على الكتابه يعني أنا عندي مشكله بالكتابه مو لأنه ما أعرف أكتب لووووول شكو لأ لأن عندي الكلام أسهل وأقدر أوصل فيه فكرتي بس بالدوام أحتاج أكتب وأصيغ كتب رسميه ...خطط ... تصور لمشاريع .. أبحاث ... محاضر إجتماعات .. والقائمه تطول فاكتشفت إن أحسن طريقه التدوين ...


والشي ثاني.... وسيله عشان أقضي وقتي بالدوام خاصة أنه ألحين مع البصمه الوقت صار طويل من 8 الصبح إلى 2:15 الظهر يعني بعض الأحيان أخلص شغلي مبجر فيصير عندي وقت فاضي فاتسلى بالتدوين وزيارة المدونات والتعليق عندهم .....



والشي الثالث ... المدونات تكون سريعه في نقل الأخبار وفي ناس عندهم تحليلات واايد تكون منطقيه وموزونه .. وأنا أحب أحلل الأحداث وخاصه إني أموت على السياسه :)))


والشي الرابع ... متابعة التكنلوجيا ... لأن في مدونيين ما شاء الله عليهم شاطرين بسوالف الدزاين ويفيدوني بكل ما هو جدييد من برامج وكل شي متعلق بالتكنلوجيا ...



ووايد أشياء ..زأحتفظها حق نفسي ....كيفي مدونتي وكيفي :) لووول



يعني راح تصير المدونه خليط وكوكتيل من كل شي ومن كل بستان زهره حسب المزاج .....



ان شاء المزاج يكون دايما رايق عشان ما أطول بالبوستات ...



ودمتي سالمه مدونتي العزيزه ....



ودمتم سالمين:)






















هناك تعليقان (2):

دليل المواقع الجديده يقول...

اشكرك على هذة المدونة الرائعة

أفضل.نت يقول...

شكرا على مجهودك الرائع